Pag-isyu og multi-purpose clearance sa NBI Region Ten, sugdan na sa Oktubre

20

Sugod sa Oktubre dos ning tuiga mahimo ng multi-purpose ang National Bureau of Investigation o NBI clearance sa NBI Region Ten.

Kini ang gikumpirma ni NBI Ten Assistant Regional Director Atty. Hans Barbaso.

Matud ni Atty. Barbaso, kini isip tubag sa programa ni Presidente Rodrigo Duterte nga mapadali ang pagkuha sa mga dokumento sa gobyerno.

Dugang pa sa maong opisyal nga kaniadto lahilahi ang clearance nga ginalukat alang sa abroad, local employment, business ug uban pa apan karon himoon na kining usa lang ka clearance.

Gawas niini, 115 lang ang bayaran sa paglukat sa maong clearance ug kung naka-apply na online ug nabayaran na ang pagkuha na lang sa picture ug fingerprint ang buhaton sa NBI.

By: Mishelle Mesias-Enloran

Facebook Comments