Davao City – Dagha’g mga rason kun ‘factors’ nganong gibutang sa hard lockdown ang Barangay 23-C, Davao City.
Matud ni Davao City Mayor Sara Duterte-Carpio nga adunay mga basehan ayha gi-desisyonan nga i-hard lockdown ang maong barangay sama sa taas nga kaso sa Coronavirus Disease 2019 (COVID-19), batasan sa mga residente ug uban pa.
“Daghan na siya’g basehan. Mainly, ang cases sa COVID-19, ang batasan sa mga tao, ang kakayahan sa atong barangay officials, ang assessment/expectation nato kung unsay mahitabo sa ilaha if they continue on.. nga ing-ani lang atong ginabuhat/intervention,” tataw sa mayor.
Dugang sa alkalde nga subay sa health officials, paspas ang COVID-19 transmission sa lugar rason nga kinahanglang i-hard lockdown kini aron dili makagawas ug mukatag ang sakit sa dakbayan.
Gipasabot sa opisyal nga sa hard lockdown, dili na makasulod ug makagawas ang mga nagpuyo sa lugar gawas lang sa mga muadto sa doktor ug ospital.
RadyoMaN Kirby Manzon
