Ginklaro ni Atty. Dan Cartagena nga basi sa Republic Act No. 8485 okon ang Animal Welfare Act of 1998, maathag nga bisan ang pagpatay sang mga sapat nga ginaka-on kasubong sang baboy, baka kag manok indi dapat pag-maltrataron kag i-torture.
Dugang pa sini nga basta may yara sang cruelty sa sapat, possible nga mapinahan ang sin-o man nga maglapas humalin sa isa tubtob tatlo ka tuig nga pagkabilanggo kag magabayad man sang 300, 000 pesos.
Ginpahayag pa ni Cartagena nga nakasaad man sa laye nga bisan ang pagtransport sang sapat kasubong sang manok dapat nga nakasulod sa kurungan okon cage kag indi pwede nga higtan kag isab-it lang sa salakyan.
Nahibaluan nga nag-viral sa social media ang pagmaltrato sa isa ka ido sang tatlo ka estudyante sang isa ka unibersidad sa syudad sang Iloilo.
Sa pihak sini, plano ni Cartagena nga magtukod sang isa ka opisina kag magbutang sang tawo para ma-proteksyunan ang kinamatarung sang mga sapat pananglitan magdaug ini sa pagka-konsehal sa syudad sang Iloilo sa 2019 election kon sa diin nagapadalagan ini sa nasambit nga posisyun.
