Lunsay pilason ang asawa kag ang kerida sang iya bana matapos nag-away ang mga ini sang nag-abtanay sa isa ka buluthuan sa syudad sang Iloilo.
Santo sa panaysayon sang asawa nga si alyas Monica, nagpadulong siya sa eskwelahan bangud gintawgan siya sang bana nga si alyas Adrian nga may problema ang ila anak sa eskwelahan.
Nakibot si Monica sang nag-abot man sa eskwelahan ang bana kaupod ang kerida nga si alyas Nicole.
Suno kay Monica daw kasubong nga siya pa ang nagagwa nga kerida bangud ‘nagapapapel’ si Nicole sa iya bata kag matunog man ang isyu nga wala ginasustentuhan sang bana ang ila anak bangud ginakontrol sang kerida ang kwarta.
Dugang pa niya nga daw ginapaaway pa sila ni Adrian gani sang naimpito ini bangud gina-insulto ang iya anak kag nakita nga magkaupod si Adrian kag si Nicole, nagkonfrontahanay sila sang kerida kag iya ginbuno sang kutsilyo si Nicole.
Ginpahayag ni Monica nga sadto pa, iya na lang ginapabay-an ang bana kag ang kerida sini kag wala na nagpasaka sang kaso bangud indi na siya maluyag sang gamo apang wala niya naluyagan nga gina–insulto ang anak rason nga nagbato na ini kag natabo ang insidente.
(photo from web/ not the actual photo)
