Sa interbyu sa DXDC RMN Davao kang Mayor Uy, iyang gisulti nga damgo lamang kaniadto ang pagtukod og tulay nga mokonekta sa Davao ug Samal apan karon lakip na kini sa Mega Bridge Program sa gobyerno.
“It’s a good news to all of us Dabawenyos kay iya na gyud ipadayon ang Davao-Samal Bridge Project kay dugay nana gipangandoy sa Samaleños nga naa na untay bridge, para maminus-minus pud na ang ilahang expenses pagtabok sa Samal,” matud ni Uy.
Nagtuo ang alkalde nga mas managhan pa ang mga turista nga mubisita sa Samal kung matukod ug operational na ang tulay.
Nasayrang usa sa problema nga makaapekto sa turismo sa Samal mao ang dili maayong dagan sa panahon, diin sagad ginakansela ang biyahe sa barge nga mao karon ang paagi sa transportasyon padulong sa isla.
RadyoMaN Kirby Manzon
