Sumala ni Dr. Michelle Schlosser, tigpamaba sa Davao City Coronavirus Disease 2019 (COVID-19) sa interbyu sa city-owned radio, nga susama sa COVID-19, i-quarantine lamang og 7-14 ka adlaw ang pasyente diin kini makarekober ra, basta aduna lamang usab kini maayo o lig-on nga immune system.
“Ang atoang pinaka-prevention sa transmission og HMFD is actually quarantine, the same as COVID-19. Symptomatic treatment lang ‘ta. Kung unsa lang ‘tong simtomas niya, mao ‘to ang atoang i-treat because this is a viral infection. Self-limiting sa,” segun ni Schlosser.
Gipasabot ni Schlosser nga mamahimo lamang problema sa HFMD ilabi na sa mga kabataan, kung magbaton kini og daghang lesion o luas sa iyang baba nga maoy hinungdan nga dili na makakaon og tarong, nga muresulta sa malnutrition ug dehydration.
Tambag sa health official ilabi na sa mga ginikanan nga kung makitaan man og HFMD simtoms ang ilahang anak, gilayong magpa-check-up sa pinakaduol nga health center aron kini makumpirma ug masultian sa angayang buhaton o saktong medikasyon.
RadyoMaN Kirby Manzon
