Pag-regulate sa liquor ban gitun-an

21

Davao City – Ginatun-an karon sa City Government of Davao ang pagbaton og regulasyon ugaling tugotan na ang pagbaligya og bino ug pag-inom dinhi sa syudad sa Davao.

Gikanayon ni Davao City Mayor Sara Duterte-Carpio nga ginabalanse pa karon ang sitwasyon nga makabalik og operate ang liquor business samtang makapalit usab ang tao og bino nga malikayan ang panagtapok tungod sa inom.


“Naa gihapon ‘tay 24-hour liquor ban until April 30, 2021. Isa pud ni sa gihunahunaan nga ma-cater ang gusto sa tao nga makapalit og alak nga dili sila magtapok unya makanegosyo gihapon atong businessmen,” segun sa Mayor.

Gipasabot sa Alkalde ang taas nga risgo sa takod sa Coronavirus Disease 2019 (COVID-19) ugaling magtapok sa inom labi na kung ang bino available diha sa mga sari-sari store o mga gagmayng tindahan.

Dugang ni Duterte-Carpio nga aduna nay mga COVID-19 patients nga natakdan tungod sa drinking session rason kinahanglan kining magbaton og regulasyon ugaling kini subling itugot dinhi sa dakbayan.

RadyoMaN Kirby Manzon



Facebook Comments