Wala na temporaryo ginpa-agi sa mga local government unit ang pagrelease sang kuarta sa mga benepisyaryo sang mga programa sang Dept. of Social Welfare and Development (DSWD) Field Office 6.
Ginpahayag ni DSWD FO6 Public Information Officer Mae Rago Castillo nga patigayunon sang mga staff sang ahensiya ang pag- release sang kuarta sa mga benepisyaryo sang programa kasubong sang Pantawid Pamilyang Pilipino Program okon 4P’s paagi sa land bank of the Philippines.
Nahibaluan nga madamo na sang reklamo nga nabatun ang ahensiya sa pagdala sang mga politico, ilabi na ang mga incumbent officials sa ila kampanya sa tion sang pag-release sang pondo kon sa diin nagatipon ang tanan nga benepisyaryo.
Sa pihak sini, liwat nga ginpahanumdom sang social department ang mga benepisyaryo sang 4P’s nga sila lang kag indi ang mga politiko ang mahimo maka-kakas sa ila sa programa.
