Personal nga rasun ang Commission on Elections (COMELEC) Chairman Andres Bautista sa pagbuya sini sa pwesto nga iya gin-anunsyo subong nga adlaw.
Pahayag ni Bautista, nga ang iya personal nga problema ang naka-apekto sa iya trabaho rason nga nagdesisyon ini nga mag-resign sa pwesto.
Ginkumpirmar man ni Bautista nga nagpadala na ini sang resignation letter kay Pangulong Rodrigo Duterte pero wala niya pa ini na-istorya sang personal angut sa isyu.
Dugang pa ni Bautista, apisar nga Disyembre 31 pa sang sini nga tuig ang pagpanaug niya sa pwesto, kinahanglan niya nga ipasa ang iya resignation letter sang temprano para sa smooth transition sa mabulos sa iya.
Angut naman sa mga ginapangatubang nga mga kontrobersiya, handa ang COMELEC chair nga atubangon ang mga ini sa insakto nga lugar.
Dugang pa ni Bautista, indi ini tani magbuya sa pwesto kun wala gin-postpone ang Barangay kag Sangguniang Kabataan (SK) elections.
——————-
Like our official Facebook page: www.facebook.com/ifmbacolod943
