GENERAL SANTOS CITY- Gihimong prayoridad sa Sarangani Provincial Health Office ang pag-spray sa palibot sa mga tunghaan sa elementarya og sekondarya lukop probinsya batok lamok na nagdala sa dengue.
Segun ni Dr. Arvin Alejandro, Provincial Health Officer sa Sarangani Province nga target humanon sa provincial, municipal ug barangay health team ang ilang pagpang-spray sa mga eskwelahan bag-o pa magsugod ang klase sa Hunyo 4.
Dugang pa ni Alejandro nga dako ang ilang pasalamat sa provincial government tungod dunay sakto nga pondo ang Sarangani Province gikan sa Sulong Kaligtasan program ni Gov. Steve Chiongbian Solon.
Migawas matud pa sa assessment sa DOH nga kasagaran sa nataptan sa sakit nga dengue ang mga bata mao nga ilang gitutukan ang mga tulunghaan aron dili na delikado sa pag-abli sa klase.
For more info’s and updates, like and share our official facebook account : www.facebook.com/ifm91.9Gensanofficial/
