Pag turn over sang management sang duha ka district hospitals sa Escalante kag Calatrava makabulig sa nasambit nga mga LGUs

13

Makabulig sa pag-improve sang local government units sang Calatrava kag Escalante City ang pagturn-over na sa ila sang mga district hospitals nga ginadumulahan sang provincial government sang Negros Occidental.

Ini ang paglantaw ni Board Member Araceli Somosa, chairman sang Committee on Health sa Sangguniang Panlalawigan matapos nga ginturn-over na sa nasambit nga LGU ang pagpalakat sang Vicente Gustilo District Hospital kag Calatrava District Hospital.


Suno kay Somosa, nga anay alkalde man sang Calatrava, makatindog na sa ila kaugalingon ang Calatrava kag Escalante kag indi na magsalig sa probinsiya para sa mga health services sini. Magluwas diri, makabulig man ang nasambit nga tikang sang probinsiya sa pagpahagan-hagan sang mga pasyente nga ginadala sa Teresita Jalandoni Provincial Hospital sa ciudad sang Silay kag Corazon Locsin Montelibano Memorial Regional Hospital sa Bacolod City.

Disyembre 2020 sang gin-turn over sang provincial government sa Escalante City kag Calatrava ang management sang nasambit nga mga hospitals. Samtang sa interview sang DYHB kay Somosa, ginpahayag sini nga isa man sa mga rason nga ginturn-over ang management sang mga hospitals amo nga makatipid ang provincial government sa Personal Services ukon sweldo sang mga empleyado sini kag maka-comply sa limit sang Department of Budget and Management (DBM) nga dapat yara lang sa 45 porsyento.

[image: image.png]

Facebook Comments