Himoon na karong adlawa ang pag-exhume o pag-ugkat sa lawas ni Arsobispo Teofilo Bastida Camomot gikan sa kasamtangan niini nga lubnganan sa shrine sa Daughters of Saint Teresa (DST) aron ibalhin kini sa museum sud ra usab sa illang compound sa Valladolid dakbayan sa Carcar.
Usa ka misa ang himoon ni Arsobispo Jose Palma sa alas 9:00 sa buntag nga tambungan usab sa ubang mga Obispo , kaparian ug mga myembro sa banay ni Camomot .
Hilngon usab sa usa ka anthropologist ang lawas sa Arsobispo una kini andamon alang sa public viewing sa museum nga gipanganlan ug Domus Teofilo o House of Teofilo .
Sugdan ang public viewing karong alas 5:00 sa hapon ug himoon ang overnight vigil . Laing misa ang himoon ugma Enero 4 sa alas 4:00 sa hapon sa di pa ilubong ug balik si Arsobispo Camomot sa museum.
