Gintawag sang South Korea nga umpisa na sang mapuslanon nga progreso para sa kalinungan sa Korean Peninsula ang ginhimo nga anunsyo sang North Korea nga umpisa subong nga adlaw ang pag-shut down sa ila nuclear kag missile program.
Ginpahayag sang spokesperson sang South Korean President nga ang pagahimuon ni North Korean Leader Kim Jong-un ang magahatag sang positibo nga tikang agud matigayon ang sinapol sang duha nila ka pungsod kag ni US President Donald Trump.
Suno naman sa mga malapit nga kaalyado sang North Korea nga China, makabulig ang pagahimuon sang North Korea nga mabuhinan ang tensyon sa Korean Peninsula.
Apang para naman sa pila ka mga analyst kag experto, duda sila sa gihapon kon seryoso gid man ang North Korean strongman.
(photo from web)
