Davao City – Kada adlaw gasakay og taxi ang hepe sa Davao City Overland Transport Terminal nga si Aiza Usop gikan sa pinuy-anan paingon sa tulonghaan sa iyang anak sa dalang Jacinto ug mulahos dayon sa opisina.
Gikan sa 120 mabayran matag adlaw una ang pag-usbaw sa flag down rate ug sa kilometrahe napansin sa opisyal nga nadugangan og 72 pesos ang iyang plete sa taxi nga miagi og calibration sa LTFRB 11 kagahapong adlawa.
Pero bisan og mi-usbaw ang pletehan musakay ra gihapon ang opisyal sa taxi kay mao lang kini ang pinaka sayon ug pinakadali nga matang sa transportasyon paingon sa eskwelehan ug sa trabahoan.
Gikumpirma ni Usop nga nagpa-usbaw ang DCOTT sa arkabala sa travel ticket sa mga namasahero nga muagi sa Ecoland terminal.
Pabor ang opisyal sa pagpasaka sa flag down rate ug sa kilometrahe sa mga taxi units kay maglisod na ang mga drivers sa pag-boundary gumikan sa pag-usbaw sa presyo sa petrolyo ug sa mga palaliton nunot sa TRAIN law.
Aminado ang labaw sa DCOTT nga bug-at gyod kaayo sa bahin sa mga trabahante ang usbaw sa pletehan ug sa basic commodities labaw na nga walay pagsaka ang ilang sweldo matag.
Apan gipamugos ni Usop nga sakto ra pod ang increase sa mga taxi units kay kung dili nila kini buhaton magkalisod pod ang mga drivers sa ilang mga boundary ug malagmit wala pa silay ma-take home nga sapi alang sa ilang mga pamilya.
Nagpasalamat si DCOTT Chief Aiza Usop nga maayo og pamatasan ang mga drivers sa mga taxi ang iyang masakyanan mao nga wala siya makasuway og istrikto ug maot og kinaiya nga mga drivers.
Busa gilauman sa opisyal nga magpadayon ang mga drivers sa maayo nga tratamento sa ilang mga pasahero aron dili mag-alburoto ang mga commuters gumikan sa pagmahal sa pletehan sa mga taxi.
RadyoMaN Joel Viray
