Davao City – Sagad nga ekspektasyon sa katawhan sa pag-entra sa tuig 2018, una nga gipangandoy sa mga tao ang pag-uswag sa panginabuhi aron dili magkalisod-lisod ug makabaton ug dugang trabaho, kanunay usab mangandam kun unsa nga mga katalagman ang masinatian sa katawhan.
Sumala ni Davao City Chamber of Commerce and Industry Chairperson Tony Dela Cruz nga angayan pasalamatan ang Ginoo nga kanunay nagagiya luyo sa kalisod sa kahimtang ug pagsulay sa kinabuhi sa katawhang Pilipino.
Matud ni Dela Cruz, gawas sa mga panghitabo nga natagamtaman sa katawhan sa milabayng tuig 2017, sama sa problema sa giyera sa Marawi, sunog sa NCCC mall nga mikalas og daghang kinabuhi ug mga kalamidad nga nihapak sa Pilipinas. Apan ang gobyerno pinaagi sa administrasyong Duterte walay pagkuwang sa pagtabang sa katawhan nga nanginahanglan.
Giingon ni Dela Cruz nga usa nga gikabalak-an sa katawhan kun ipadayon ang pagpataas sa buwis posible nga magtaas ang presyo sa mga palitonon ug maapektuhan ang panginabuhian sa katawhan.
RadyoMaN Don Pulayao
