Ginkakibot sang kampo ni Mayor Jed Patrick Mabilog ang nangin pahayag ni Presidente Rodrigo Duterte nga gina-wiretap sini ang mga telephone conversation sang ginatudlo narco-politicians ilabi na si Mayor Jed Patrick Mabilog.
Ini ang ginpahayag ni Atty. Mark Piad , spokesman ni Mayor Jed Mabilog , bilang reaksyon sa nasambit nga pahayag ni Pangulong Duterte.
Subong man, ginpahayag ni Atty. Piad nga wala man sang problema kon i-wiretap sang presidente ang telephone conversation ni Mayor Mabilog kag kon may makita nga balasehan ang presidente nga kasuhan ang alkalde base sa wire-tapped conversation, handa man nila ini nga atubangon.
Una diri, ginpahayag ni Atty. Piad nga nakibot sila sa pahayag sang presidente nga gin-wiretap nila si Mayor Mabilog nga daw kasubong ini nga pamahog sa national security kag kaaway sang estado.(sspunay)
