Ramdam na rin ng mga ospital sa bansa ang pagbaba ng bilang ng mga kaso ng COVID-19.
Ayon kay Department of Health (DOH) Usec. Myrna Cabotaje, nabawasan na ang mga isinusugod na COVID-19 patients sa mga ospital.
Pero malaking hamon aniya ang pagbalanse ng ekonomiya at pagtiyak na nasusunod ang ipinatutupad na health protocols kaya hindi muna ibinaba sa Alert Level 2 ang Metro Manila.
Samantala, paliwanag ni Philippine General Hospital (PGH) spokesperson Dr. Jonas del Rosario na lumuwag na rin ang COVID-19 ward sa kanilang ospital.
Pero mas marami naman ang dinadalang non-COVID-19 patients kaya pinaplano na ang pagbukas ng karagdagang non-COVID wards.
Base sa datos ng DOH hanggang ika-25 ng Oktubre ay naglalaro sa 37.65% hanggang 53.15% ang health system capacity sa NCR, na maituturing na low-risk.
Nasa negative naman ang 2 week growth rate sa rehiyon sa nakalipas na linggo.