Pagbabago ng pahayag ni Sec. Lorenzana kaugnay sa Recto Bank incident, nauunawaan ng isang senador

Manila, Philippines – Nauunawaan ni Senator Panfilo Ping Lacson ang pagbabago sa pahayag ni Defense Secretary Delfin Lorenzana kaugnay sa Recto Bank incident.

Magugunita na una umanong inihayag ni Lorenzana na sinadya ang pagbangga ng Chinese vessel sa bangka ng mga Pilipinong mangingisda.

Pero bandang huli ay kumambyo si Lorenzana at sinabing aksidente ang nangyari.

Ayon kay Lacson, bilang miyembro ng gabinete ay naiintindihan niya na hindi kokontrahin ni Lorenzana ang pahayag ni Pangulong Rodrigo Duterte kaugnay sa insidente.