Davao City – Giklaro sa City Health Office (CHO) ang rason nganong miambak sa A5 Category (Poor Population) sa priority list ang Coronavirus Disease 2019 (COVID-19) vaccination dinhi sa syudad sa Davao bisan og wala pa nahuman ang na unang categories.
Matud ni Dr. Ashley Lopez, CHO Acting Head (sa interbyu sa city-owned radio), subay sa pamahayag ni Presidente Rodrigo Duterte hatagan niini og maayo nga bakuna ang mga indigenous people (IP) hinungdan nga nahatagan na niini ang pipila ka IP dinhi sa dakbayan.
“So that’s why there was a directive coming from the Department of Health (DOH) that part of the allocation of Pfizer (vaccines) will be given, will be rolled out to A5 (category),”’ segun ni Lopez.
Base sa June 28, 2021 subay sa datus sa Davao City Vaccination Cluster, aduna nay 2,812 sa A5 Category partikular na ang IP community sa Marilog, Davao City ang nabakunahan sa 1st dose ug 25 sa second dose sa COVID-19 vaccine.
RadyoMaN Kirby Manzon
