Davao City – Giawhag sa konsehal sa Davao City nga suportahan ang usa sa mga solusyon nga makunhuran ang bug-at nga trapiko dinhi sa syudad nga mao ang planong pagbalhin sa Davao City Overland Transport Rerminal (DCOTT).
Sa pakighinabi sa DXDC RMN Davao kang Davao City councilor ug committee of transportation chair Conrado *Baluran* nga usa kini ka solusyon aron maluagan ang dagan sa trapiko sa dakbayan.
“Tabangan nato kay di lang man ni problema sa gobyerno, problema ma ni sa tanan. Tabangan nato og kab-ot ang solusyon nga ma-decongest ang main street especially sa Boulevard, Matina Crossing, Quezon Boulevard diin asa nagaagi ang 700 big and small buses nga nagasulod sa terminal,” sigun ni Baluran.
Sa pikas bahin, segun ni Baluran nga hisgutan karong adlawa sa regular session sa Davao City Council ang problema sa mga mangingisda diin matud pa nga hatagan og oportunidad ug tabangan sila sa ilang panginabuhian partikularminte ang pagsuta sa distansya nga makapangisda sila sa dagat sa Samal area.
RadyoMaN Renz Barbarona
