Pagbaligya mani, torta, fishball; labada kag orasyon bisaya sabat sang CHR Negros Oriental sa P1k budget

NEGROS ORIENTAL – Ginsuguran na sang head sang Commission on Human Rights sa Negros Oriental/ Siquijor ang pagbaligya sang mani kag fishball matapos nga isa ka libo ka pesos gid lamang ang ginpain nga budget sa ila sang House of Representatives sa proposed 2018 National Budget.

Ginpahayag nga bilang pagpakita sang frustrations ni CHR Negros Oriental/Siquijor Head Jess Cañete, ini sila ang nag-himo sang poster nga naga-pamaligya sila sang mga street foods kaangay sang fishball, torta kag mani.

Naka-butang man sa karatola nga may yara sang bag-o nga serbisyo ang CHR lakip diri ang pagpang-hilot, pagbaton sang labada kag orasyon bisaya.


Paathag ni Cañete nga ini ang ila nga sabat sa pagka-arogante nga ginpakita sang mga kongresista nga nag-boto pabor sa isa ka libo nga budget para sa CHR sa 2018./dyHB BACOLOD

Facebook Comments