Davao City – Padayon pang giimbestigahan sa Marilog Police Station (PS) ang insidenteng pagpusil-patay sa duha ka lumad nga mga mag-uuma sa Barangay Marahan, Marilog District, Davao City niadtong Sabado sa buntag (Agosto 6, 2022).
Sa interbyu sa DXDC RMN Davao kang Police Major Amante Nozares, Office in Charge (OIC) sa Marilog PS, gibutyag niini nga nagabaligya og yuta ang mga biktima nga sila Jhonny Masangcay ug Datu Alberto Tumindog nga mga sakop sa tribung Bagobo.
Saysay ni Nozares nga ang mga biktima nagabaligya og yuta diin adunay mga nabaligya na apan ilaha matud pang ginabaligya pag-usab sa lain.
“Kay base sa pagkighinabi nato sa pamilya, wala man gyoy lain nga posibleng maging motibo ani sa iyaha. Kini lang gyong pagpamaligya sa lupa,” sulti sa pulis.
Sa pagkakaron, ginapalaw’man pa ang imbestigasyon ug padayon pa nga ginaila ang suspek o responsable sa krimen.
RadyoMaN Kirby Manzon
Facebook Comments
