Davao City – Isktriktong ipatuman sa mga operatiba San Pedro ang safety and health protocols subay sa Executive Order no.12 nga gipatuman ning syudad Davao nunot sa pagpabalik sa operasyon sa Bankerohan Public Market karon adlaw dominggo (Marso 21,2021), sumala ni Police Major.Jack Tilcag ang Station Commander San Pedro Police Station human nahinabi sa DXDC RMN Davao.
Segun ni Tilcag, magdugang ug personahe sa kapulisan aron motabang sa pagbantay sa palingke diin kapin napulo ka mga pulis apil ang mga police auxillary ang i-deploy. Gidugang ni Tilcag nga ipatuman ang one intrance ug one exit policy sa maong merkado.
Subling nagpahinumdom si Tilcag sa tanan mamalingkihay nga motuman sa safety and health protocols, social distancing, pagsuot sa face mask, face shield aron malikayan ang pagtakod sa Corona Virus Disease (COVID-19).
RadyoMan Don Pulayao
