Pagbaril-patay sa Brgy. Kagawad it Brgy. Tibiawan, Makato may una eon nga person of interest

Makato, Aklan – May una eon nga person of interest rong Makato PNP angot sa pagbaril-patay kahapon kay Brgy. Kagawad Silverio Puod it Brgy. Tibiawan, Makato, Aklan.
Suno kay PSGT. James Padasas, imbestigador it Makato PNP nga kahapon hay may nag-adto sa andang opisina nag report nga nakita nana rong insidente.
Sa pagsaysay kanda it nasambit nga saksi hay nakita nana ag kilaea na rong suspek nga nagadaeagan may ginaeagas ag may daeang baril pero uwa nana makita kon sin-o ro ginaeagas.
Nagpanago imaw ag maangan-angan hay nakabati ra imaw it linupok.
Ko ulihi nasayran nana rong natabo kay Kagawad Puod nga binaril ag patay.
Nagdesisyon imaw nga mag report sa Makato PNP ag ginsugid ro santo sa anang nakit-an.
Insigida nga nagpatigayon it hot pursuit operation ron Makato PNP sa pagpanguna ni PLT. Jose Ituralde rong OIC Chief of Police ag sa andang pagbalik daea nanda si Richard Ortiz, 35-anyos ag residente it Sitio Awayon, Agbalogo, Makato (boundary it Tibiawan ag Agbalogo).
Sa makaron hay detained ra imaw sa lock up cell it Makato PNP ag nakataeana nga pagapasakaan it kaso.
Samtang ginpamalibaran mat-a it suspek nga imaw rong responsable nga nagbaril-patay sa Kagawad ag suno kana nga ko mga oras ngato hay idto tai maw sa anda ag may magapamatuod man parte kara.
Related News Please Click: https://www.facebook.com/1049153941799762/posts/2820477424667396/

Facebook Comments