Iligan City- Nagpahimangno karon ang buhatan sa kasanihan sa katawhang iliganon batok sa sakit nga leptospirosis.
Matud ni Mr. Carlito Ballesta sa city health office nga bisan wala pay natalang kaso sa maong matang sa balati-an dinhi sa dakbayan sa Iligan nagpahimangno na silang daan labot niini.
Tungod, mikuyanap man ang maong sakit didto sa kaulohan ug daghan sa mga nabiktima niini padayon pang nagpaalimsa mga tambalanan.
Gibutyag ni Ballesta nga sagad makuha ang maong sakit gikan sa tubig ulan, lapok o basa nga dalan ilabi na samga merkado tungod sa ihi man sa ilaga nagsumikad ang maong sakit.
Hinungdan nga sumala ni Ballesta, kinahanglang mag-amping gayud kanunay ang katawhang iliganon aron paglikay sa nasangpit nga balati-an.(RadyoMan Ghiner Canaday)
| | Virus-free. www.avast.com |
