General Santos City— Giplanuhan na karon Gensan City Police Office ang paghangyo sa mga konsehal nga maghimo ug resolsuyon nga ibawal ang paggamit ug helmet sulod sa sentrong bahin sa syudad.
Sumala kang Police Senior Superintendent Romeo Ruel Berango, OIC City Director sa Gensan City Police Office nga sagad sa mga suspek sa mga krimen hilabi na ang mga pagpamusil-patay ang nagagamit ug helmet aron nga matago ang ilahang mga ilhanan.
Rason nga buot niyang ihatag ngadto sa mga konsehal ang posisyon sa kapulisan aron usab matun-an, kini aron nga mabatukan ang kremin hilabi na sa sentrong bahin sa dakbayan pinaagi sa pagduso nga ibawal ang helmet.
Sama matud pa sa ubang mga syudad sa mga kasikbit nga lugar, ginadili ang paggamit ug helmet aron nga mapugngan ang unsa mang matang sa kremin nga ginagamit ang mga motorsiklo isip gateaway vehicle.
Apan, gipaklaro ni Col. Berango nga gawas sa pagbawal sa paggamit ug helmet, iyaha usab hangyuon ang mga opisyal nga maghgimo ug ordinansa nga limitahan ang speed limit sa mga single motor ingon man paghatag kanila ug kaugalingong dalan aron makalikay sa disgrasya.
Ang maong plano ang gihimo human ang gipahigayon nga command conference uban ang tanang mga Chief Of Police gumikan, sagad matud pa sa mga suspek sa mga pagpamusil ang naka-motorsiklo ug naka-helmet basi na sa pamahayag sa mga testigo.
