Pagbayad pinaagi sa GCASH sa Agdao Public Market less hassle sa mga mamalengke

Davao City – Mas gipadali ug less hassle na sa mga mamalitay sa palengke ang paglusad og Paleng-QR Program sa Agdao Public Market dinhi sa Davao City.

Sumala sa namalengke nga si Ashleya Quidel, online payment sama sa GCASH na ang iyang naandan sa pagbayad sa groceries, ug bills busa gikalipay niini nga mamahimo na sab magbayad sa palengke pinaagi sa GCASH.

Matud pa nga dili na usab hasol og walay kambyo or exact amount tungod pwede rang maka hatag og exact amount sa GCASH ug ubang online payment.

Subay kini sa gilusad nga cashless payment program nga “PalengQR PH” sa City Government of Davao kagahapon, February 14, 2023, partner ang Bangko Sentral ng Pilipinas.

Gitambongan kini nila City Economic Enterprise (CEE) head Maximo Macalipes, Councilor Mariz Abella, Councilor Al Ryan Alejandre, BSP representatives, Department of Information and Communications Technology representatives, Barangay Agdao functionaries, ug ubang public officials.
Anaa sa 900 merchants sa Agdao Public Market ang nagadawat og digital payment.

Kahinumduman nga unang gilusad ang cashless payment or QR codes sa Bankerohan ning syudad.

RadyoMaN Renz Barbarona