Malapit nang ipagbawal ang pagbebenta at paginom ng ano mang uri ng alcoholic beverages sa mga kalye, plaza, sidewalks at parking areas.
Sa House bill 3049 na inihain ni House Committee on Health Chairperson Angelina Tan, bukod sa pag ban ng alak sa mga public areas ay ipagbabawal rin sa ilalim ng panukala ang piginom ng alak sa mga restaurants, supermarkets, fast food chains at mga bar sa mga highly urbanized areas tulad ng Metro Manila mula alas 12:00 ng hating gabi hanggang alas 8:00 ng umaga.
Layunin ng hakbang na ito na tugunan ang panawagan ng publiko na ipagbawal ang alak sa mga public areas alinsunod narin sa kampanya ni Pangulong Rodrigo Duterte na labanan ang kriminalidad sa bansa.
Giit pa ng kongresista na isa ring medical doctor, ang pagkalulong sa alak na nauuwi sa karahasan ay maituturing na public health issue na kailangan ng agarang atensyon mula sa gobyerno.
