Para kay House Infrastructure Committee Chairman at Bicol Saro Party-lit Rep. Terry Ridon, maituturing na seryosong setback sa imbestigasyon ng Independent Commission for Infrastructure (ICI) ang pagbibitiw ng isa sa mga commissioners nito na si dating Department of Public Works and Highways (DPWH) Secretary Rogelio Singson.
Giit ni Ridon, malaking kawalan si Singson sa imbestigasyon sa maanumalyang flood control projects dahil mayroon itong insider access, institutional memory, at malalim na pag-unawa o impormasyon sa mga kaganapan sa DPWH.
Diin ni Ridon, dapat ay magtalaga si Pangulong Ferdinand Bongbong Marcos ng kapalit ni Singson na kapantay nito ang husay at integridad.
Ayon kay Ridon, ang ipapalit kay Sec. Singson ay dapat katulad nito may kaalaman din sa infrastructure planning, budgeting, at implementation na pawang kailangan sa pagtupad ng ICI sa mandato nito.
