PAGBISITA IT CRUISE SHIPS SA BORACAY MAGAPADAYON SUNO SA DOT

Kalibo, Aklan – Ging kunpirmar ni Department of Tourism DOT-6 Regional Director Helen Catalbas nga una sa 5 hasta 8
ka international cruise ships ro gina ekspektar nga magabisita sa isla it Boracay umpisa buean it Oktubre
makaron nga dag-on.
Mga luxury ships it Royal Carribean Cruises, Star Cruises ag Celebrity Cruises nga may kapasidad nga
kargang 1,700 hasta 4,500 pasahero ro naka skedyul nga mabisita sa Boracay, suno kay Catalbas.
Suno pa gid kana sa pihak nga nagabulig ro pagbisita it cruise ships para mapataas ro tourist
arrivals, ginapamaeabagan raya it mga stakeholders bangud sa andang kahawag sa posibilidad nga
makatuga it pagkasamad ko marine environment sa isla.
Dugang nga ging pahayag ni Catalbas nga pilang ka mga stakeholders ro nagakahawag nga masamad ro
corals bangud sa paghueog it angkla ko mga cruise ships.
Pero nagpahayag mat-a si DENR Regional Director Jim Sampulna, nga ro corals nahamtang sa manabaw
nga parti samtang ro pag angkorahe it cruise ships hay sa madaeum nga parti ko katung anan it Boracay
ag Caticlan…