TACLOBAN CITY – Gin-andam na han simbahan han Balangiga ngan Diocese han Borongan ha Eastern Samar an pagbubutangan han tulo nga lingganay o balangiga bells para han ginlalauman nga pag-abot hini ha Balangiga, Eastern Samar yana nga Sabado.
Magkakamayada hin seremonya an simbahan ha ika-15 kun diin igbubutang an mga lingganay ha gawas han Balangiga Church.
Magkakamayada gihapon oras para makit-an han mga taga-Este an Balangiga Bells.
Ha pastoral letter ni Bishop Crispin Vasquez, usa ini nga early Christmas gift para ha Diocese ngan ha mga taga Eastern Samar.
Samtang, ginkompirma naman ni Department Of National Defense Sec. Delfin Lorenzana, nga matambong hi Presidente Rodrigo Duterte ha turn over ceremony ha Balangiga.
Photo by: PIA Eastern Samar
