Davao City-Gumikan sa kontrobersiya nga giatubang karon sa Bureau of Customs human nakalusot ang 6.4 bilyones ka pesos nga kantidad sa shabu sa nasud dili pa lamang dugay.
Adunay pipila ka grupo ang nanawagan nga dili lang paluwaton sa katungdanan si commissioner Nicanor Faeldon ug mga opisyal kundi bungkagon na sa hingpit ang BOC aron malimpyohan gikan sa kurapsyon.
Pero daw dili pabor si Department of Finance Assistant Secretary Maria Theresa Habitan sa sugyot nga buwagon ang numero uno nga tinubdan sa income sa gobyerno nga mao ang BOC.
Sigun ni Asec. Habitan, bungkagon man o dili ang ahensiya pulihan raman gihapon kini og laing bag-ong buhatan busa mas maayo ayuhon na lang ang sistema sa pagpadagan niini inay nga papason pa.
Dako ang mawala nga buhis kung pa-undayonan ang hunghong sa mga kritiko nga bungkagon ang Bureau of Customs kay binilyon ka pesos ang ginasulod niini sa panudlanan sa kagamhanan matag tuig.
Aminado si Asec.Habitan nga usa ang BOC naghatag og dakong kontribusyon sa buhis apan kini sab ang labing pinaka-kurakot sa tanang collecting agencies sunod sa BIR gumikan sa mga buwaya nga nagpuyo sulod sa buhatan.
Ug tungod wala’g tuo ang kinawatay sa mga opisyal ug mga empleyado ang BOC modernization Act naglimitar sa ilang trabaho sa pagsingil og taripa sa mga shipments aron makibhangan ang corruption sa Pilipinas.
Kagahapon adlawa, nabulgar sa senate investigation nga adunay shipment nga ang bayrunon sa buhis naa sa 120 mil pesos apan 40 mil ka pesos na lang nabayran sa importer diin ang 80 mil pesos daw tagu-lilong nahanaw ug kini sigurado napadong sa mga kiriwan sa BOC.
Sanglit dili kini lilong sa Department of Finance bantay sarado ang tanang transaction ug lihok sa BOC aron dili makalugar ang mga ungo sa pagpangawkaw sa dakong buhis gikan sa mga importers.
Gikuhaan og reaction sa STP Investigative Team si DOF Assistant Secretary Maria Teresa Habitan mahitungod sa 6.4 bilyon ka pesos nga kantidad sa shabu nga nakalusot sa BOC ug posibleng paglambigit sa maihap nga mga opisyal.
Mibalibad na si Asec. Habitan sa pagkumento sanglit dili na kuno niya kini hurisdiksyon tungod kay aduna sila’y partikular nga opisina nga nagatutok sa ilegal nga shipment sa droga nga musulod sa Pilipinas agi sa atong mga pantalan.
Kasamang Joel Viray
