Walay angay kabalak-an ang mga residente sa nabati nga pagbusikad kaganina sa Marawi City.
Kini tungod kay sumala ni Police Col. Madzgani Mukaram, director sa Provincial Police Office sa Lanao del Sur, usa kini ka disposal sa mga unexploded ordnance nga nakuha sa explosive ordnance division sa Philippine Army sa gihimong clearing sulod sa Most Affected Area.
Nagpadayon matud pa ang clearing ug demolasyon sulod sa main battle area isip kabahin sa rehabilitasyon sa Marawi nga naguba human ang lima ka bulan nga giyera niadtong 2017.
Gipahinumdoman pag usab sa mga utoridad ang mga residente nga kung dunay pagahimoon nga disposal sa mga unexploded ordnance, aduna kini madungod nga taas nga siren sa dili pa kini magsugod ug usa ka short siren pagkahuman.
