Davao City-Di pa ma establisar sa mga imbestigador sa Davao City Police Office (DCPO) uban ang personahe sa Explosive Ordnance Disposal K9 Team Unit (EOD-K9) ug Forensic Team Unit (FTU) kung unsa nga klase nga bomba ang nibuto sulod sa Honda CR-V kagahapon alas 10:09 sa buntag, Hunyo 15,2023 sa Ecoland Drive, Corner Times Beach, Davao City kinsa gipanag-iyahan sa usa abogado nga si Atty.Alberto Magulta nahitabo.
Sa interview sa DXDC RMN Davao kang Police Major Catherine Dela Rey, spokesperson sa DCPO, padayon pa ang ilang gihimong imbestigasyon kung unsa nga matang sa eksplosibo ang nibusikad sulod sa maong behikulo.
Gidugang ni Dela Rey nga base sa inisyal nga imbestigasyon, usa sa gilantaw nga motibo sa insidente posibleng work related sa maong abogado gumikan ayha nahitabo ang pagbusikad nakadawat na kini og hulga tungod aduna kini mga bug-at nga kaso nga gigunitan sa Region-XIl.
Kahinumdoman duha ka wa mailhing tawo ang miduol sa sakyanan nga dunay gisuksok sa ilawom human sa lima ka minuto sa paglakaw sa mga suspek nibusikad dayon ang maong sakyanan.
RadyoMaN Don Pulayao
Facebook Comments
