Gitagaan karon sa kapulisan ug tsansa ang mga motorista taman nalang hulyo 26, 2020 kung walay harang sa likod sa driver sa single motor dili na pasakyon ang ilang asawa o kaipon matod pa ni Joint Task Force Covid Shield (JTF) LtGen. Guillermo Eleazar
Kung ugaling karong hulyo 26, wala pa gihapon harang dili na magpanuko ang mga pulis nga dakpon ug posible pa unya makamulta tungod sa wala pagsunod sa mao nga mando.
Kahibaloan daghang nagreklamo sa mao nga mando apan matod pa ni DILG Sec. Eduardo Año kinahanglan kining ipatuman tungod kay alang ra usab kini sa kaayohan sa tanan.
Apan diri sa probinsya sa Zamboanga del norte dili ingon niana ka strikto ang pagpatuman sa pagbutang ug barriers, pero giawhag lang gihapon sa mga pulis nga kung mahimo magbutang ug harang lakip na ang pagsunod sa mga protocols aron malikayan ang pagkuyap sa sakit nga covid-19.
Samtang sa laing bahin padayon gihapon ang paghimo ug checkpoint sa mga pulis sa matag kalungsuran aron masiguro nga walay mga dautang elemento ang makasulod gawas sa probinsya.
Sa karon hapsay ug malinawon ang probinsya nga kung diin walay mga dagkong panghitabo ang natala diha sa buhatan matag presento.
