Ginkalipay ni Governor Arthur Defensor Jr. ang pagbuylog sang mga pumuluyo sa probinsya sang Iloilo sa ginlunsar nga Do-Day Kontra Dengue.
Suno kay Defensor nga nalipay siya sa iya nakita nga nagapaninlo ang mga pumuluyo sa kabanwahanan santu sa iya pangabay nga magbuligay agud matapna ang mga lamok nga nagadala sang nasambit nga balatian.
Ginhatagan pagtamod sang gobernador nga ang pagtililingub sang mga pumuluyo sa pagpanglimpyo sang palibot amo lamang ang pamaagi agud mapunggan ang pagtaas sang kaso sang dengue sa probinsya.
Ginpangunahan ni Defensor ang paglunsar sang Do-Day kontra Dengue kon sa diin naglibot ini sa kabanwahanan agud makita ang mga pumuluyo nga dululungan nga nagapaninlo.
Facebook Comments
