SYUDAD sang Iloilo – Wala pa sang schedule ang pagbyahe sang mga Badjaos diri dsa syudad sang Iloilo pabalik sa ila lugar sa Mindanao sakay sa C130 aircraft.
Suno kay Public Safety and Transportation Management Office head Mr. Jeck Conlu wala pa sila sang idea kun san-o gid maga-abot sa syudad ang eroplano nga pasakyan sang mga Badjaos.
Pahayag ni Conlu i-suggest niya nga mabalik na lang sila sa paggamit sang barko sa pagpapauli sang mga Badjao.
Pagahambalan nila ini sa gilayun bangud nagahilapt na ang bulan sang Disyembre nga amo ang ti-on nga mas nagadamo ang mga nagapakilimos nga Badjao sa syudad.
Una na nga ginhingyo ni mayor Jerry Treñas ang bulig sang Philippine Airforce agud mabyahe ang mga Badjao pabalik sa Mindanao.
Nagcommit naman ang airforce sang C130 apang wala pa sang schedule kun san-o ini magaabot sa Iloilo.//via JPF
