PAGDAYAW | Regional Director sang PRO-6, dinapit nga bisita sa PNP Service Anniversary sang Capiz PPO!

Roxas City, Capiz- Ginpatigayon kahapon nga adlaw ang ika-117 nga PNP Service Anniversary sang Capiz PPO kun sa diin nangin dinapit naman nga bisita ang mismo Regional Director sang PRO-6 nga si Police Chief Supt. Jun Bulalacao kag mga opisyal sang kabanwahanan kag provincial government sang Capiz.

May yara man sang ginpatigayon nga simultaneous donning and pinning of ranks sa mga bag-o promote nga mga Police Commissioned Officers(PCOs) kag Police Non-Commissioned Officers(PNCOs).

Ginpangunahan man ni Retired PSSupt. Primo Golingay kaupod sanday PCSupt Bulalacao kag PSSupt Nacion ang wreathlaying ceremony sa remembrance wall sang mga membro sang kapulisan nga napatay samtang nagapatigayon sang ila duty.


Sa iya mensahe, ginpahanumdom ni Police Chief Supt. Jun Bulalacao sa mga kapulisan sa Capiz nga ipadayon ang maayo nga nahimuan sa idalom sang pagpamuno sang provincial director.

Samtang ginpasalamatan naman ni Police Senior Supt Samuel Nacion ang bug-os nga suporta sang PRO-6 sa Capiz PPO.

Facebook Comments