Ginpahayag ni Presidente Rodrigo Duterte nga indi siya ang dapat dayawon sa gintukod nga NLEX Harbor Link Segment 10 Project ukon sa iban pa nga infrastructure projects sang gobyerno.
Sa iya pagpamulong-pulong sa inagurasyon sang NLEX Harbor Link Segment 10 Project, ginpahayag ni Duterte nga indi siya ang dapat dayawon kag dapat indi sa iya i-credit ang mga proyekto nga ini.
Paathag sang presidente, ang mga proyekto nga natapos sa idalom sang iya administrasyon ang indi para sa iya kadayawan.
Suno kay Duterte, dapat kilalahon ang mga tawo nga nagtukod sang mga proyekto, mga contractor ilabi na ang mga ordinaryo nga mga Pilipino.
Dugang pa niya nga kwarta sang mga Pilipino ang gingamit gani nagakadapat lang nga ang mga Pilipino ang dapat kilalahon sa mga proyekto sang gobyerno.
(pctto)
