Kana ang gibutyag ni Councilor Jesus Joseph Zozobrado III, Majority Floor Leader sa Davao City Council atol sa regular session gahapon, September 10, 2024.
Alang sa konsehal, wala hinuon nila wad-a ang maong posibilidad sa pagdeklara’g persona non grata sa heneral apan angay usa kining studyuhan.
Ang buot mahitabo karon sa konseho mao ang paglusad og imbestigasyon sa DILG pinaagi sa ilang gidusong resolusyon ilabi nga nakitaan og kalapasan ang operasyon sa kapulisan diin nag-unang violation mao ang giangkong ni Gen. Torre nga pagpasuot og PNP uniform sa mga sibilyan.
“To investigate kung duna gyud sila’y kalapasan nabuhat esp. General Torre. I want a clear statement and position from the national government, departments like DILG nga tarungon nato ni kay basin unya’g mag-usab usab ni unya mamahimo na ning president ba. So, sunod napud simbako palayo nga naa nasay ing-ana nga sitwasyon, ah pwede raman diay, okay raman diay i-violate nato total nahitabo naman na sauna, wala man nasilutan. We need to correct that,” sulti pa ni Councilor Zozobrado.
RadyoMaN Ivy Parido
