Gipasalig ni Senator JV Ejercito nga iyang i-depensa sa ilang 2019 Budget hearing sa senado nga dili madayon ang Budget cut sa Department of Health sa sunod tuig.
Kini gibutyag ni Ejercito sa iyang pag-bisita sa Northern Mindanao Medical Center kagahapon sa Buntag kay iyang gitunol ang iyang dala nga health Assistance ngadto sa mga pasyente sa NMMC.
Dautan ang buot ni Ejercito sa giplano sa administration ni President Duterte nga dunay Budget cut sa DOH sa 2019 nga mokabat sa dili mominos 20 billion pesos.
Matud ni Ejercito nga iyang i-fight sa ilang Budget hearing nga dili madayon ang Planong Budget cut sa pundo sa DOH sa sunod tuig, aron dili mabalda ang nagpadayon nga Construction sa mga health Facilities sa gobyerno, sama sa nagpadayon nga Construction sa dugang hospital Building sa NMMC.
Gusto ni Ejericto, nga dili mabalda ang trabaho sa mga health Facilities sa gobyerno, ubos sa Health Facilities Enhancement Program kon H-FEP.
Matud ni Ejercito nga iya usab nga gitingoha nga magpabilin ang 8 billion budget alang sa Human Resource for Health kon HRH sa DOH nga maoy gastohon alang sa suweldo sa dugang health personnel sa gobyerno.
