Davao City – Gikalipay sa Muslim Community ang pagdeklara sa Malacañang nga holiday sa Setyembre 1, adlawng biyernes sa tibuok Pilipinas subay sa selebrasyon sa Eid’l Adha o Feast of Sacrifice.
Sa interview sa DXDC RMN Davao kang Ulama League of the Philippines Regional Chairman Ustadz Aleem Mahmoud Adilao, sigun niini, nalipay siya ug nagpasalamat kang Presidente Rodrigo Duterte sa pagpirma sa Proclamation No. 297 nga nagdeklarang pista opisyal sa maong adlaw.
“Sa ubang Islamic countries, dili na siya holiday apan pasalamat ko kang Presidente Duterte kay nahatagan og maayong paglaum ang mga Muslim sa selebrasyon sa Eid’l Adha,” matud ni Adilao.
Ang Eid’l Adha maoy ikaduhang pinakadako nga festival sa mga Muslim nga ginasaulog sa tibuok kalibutan pagkahuman sa kada tuig nga Hajj pilgrimage nga ginapahigayon sa Mecca.
Kasamang Renz Barbarona
