Davao City – Nagsugod na karong adlawa ang pagdili og dawat sa housing loan payment over the counter sa Pag-IBIG Fund office.
Sumala ni Jessa Torres sa Pag-IBIG fund Davao atol sa interview sa tulumanong Serbisyong Straight to the Point nga Hulyo 2, 2018 magsugod ang maong systema diin hinungdan niini matud pa mao ang taas nga linya sa opisina ug adunay uban nga dili na maatiman tungod sa kadaghan nga magbayad ilabi na sa deadline payment kada bulan.
Subay niini, mamahimo ng mubayad sa bayad centers apan aduna kini additional service fee nga 7 pesos o depende sa bayad centers.
Giklaro sa Pag-IBIG fund nga alang lang kini sa housing loan payment apan ang monthly contribution sa Pag-IBIG members pwedeng magbayad over the counter sa opisina o sa bayad centers samtang ang last ug full payment sa housing loan kinahanglan bayaran sa Pag-IBIG Fund office.
RadyoMaN Renz Barbarona
