Davao City – Nagpagawas na og mando o memorandum si Police Col. Richard Bad-ang City Director sa Davao City Police Office (DCPO) sa kapulisan kabahin sa mando sa bag-ong PNP Chief Gen. Rommel Marbil nga did-an ang mga police on duty sa paggamit og cellphone.
Sa interview sa DXDC RMN Davao kang Police Captain Hazel Tuazon, Tigpamaba sa DCPO gisulti niya, sundon og ipatuman sa DCPO ang mando sa bag-ong PNP Chief.
Segun ni Tuazon, kung kinsa man ang masakpan nga pulis sa DCPO, posibleng mag-atubang kini og kasong administratibo.
Kahinumduman, nagpagawas og pamahayag si PNP Chief Gen. Marbil nga gikinahanglan ang atensiyon sa kapulisan nga masentro sa ilang mga katungdanan sama sa pagtubag sa krimen ug pagmintinar sa kalinaw ug kahapsay.
RadyoMaN Don Pulayao
Facebook Comments
