Gipahayag ni Cagayan de Oro City Administrator Teodoro “Teddy” Sabugaa nga ilang nang sugdan sa City hall sa Enero 1, 2019 ang pagdili sa paggamit sa plastic bag sa tanang nga business establishment ug mga public markets sa Cagayan de Oro.
Kini human gipirmahan ni Mayor Oscar Moreno niadtong Agosto 15 ang notice ug ilang gipadala sa tanang mga tindahan ning syudad.
Matud ni Sabugaa nga gipahibalo ni Mayor Moreno ang tanang tag-iya sa micro small and medium enterprises ning syudad nga ila nang hugot nga ipatuman sa Enero 1, 2019 ang Article IX, Section 30 sa City Ordinance Number 13378-2018 nga gitawag ug “Integrated Ecological Solid Waste Management” Ordinance sa Cagayan de Oro.
Gibutyag ni Sabugaa nga sugod niadtong Agosto 15 ilang gipahibalo ni Mayor Moreno ang tanang business establishments ning syudad ang paggamit sa mga sando bag, paper bags ug uban pang klasi sa mga packaging nga gitawag og “recyclable ug reusable” materials.
Matud ni Sabugaa nga ang ilang hugot nga pagpatuman sa Integrated Ecological Solid Waste Management” makatabang og dako, pagsulbad sa mga urban flooding sa Cagayan de Oro.
