Pagdinig sa kasong kudeta laban kay Trillanes, itinakda ng Korte sa March 20

Manila, Philippines – Ipagpapatuloy na ng Makati Regional Trial Court Branch 150 ang pagdinig sa kasong kudeta ni Senador Antonio Trillanes IV.

Ayon sa Korte – itinakda ang pagdinig sa March 20 kung saan inaasahang ipi-prisinta ng prosekusyon ang kanilang mga ebidensya.

Taong 2011 nang na-dismiss ang kaso matapos bigyan ni dating Pangulong Noynoy Aquino ng amnestiya si Trillanes.

Pero noong nakaraang taon, pinawalang-bisa ni Pangulong Rodrigo Duterte ang amnestiya ng Senador sa pamamagitan ng proclamation 572 dahil sa hindi umano nito pagsusumite ng official amnesty application form at admission of guilt.