Ipagpapatuloy ngayong umaga ang imbestigasyon ng Senate Blue Ribbon Committee kaugnay sa mga maanomalyang flood control project.
Batay sa Komite, sa top 15 contractors na pinadadalo sa pagdinig may isang contractor ang hindi makadadalo matapos magpa-excuse dahil sa “family reason.”
Inaasahang haharap naman si Pacifico “Curlee” Discaya, ang mister ng kontrobersyal na contractor na si Sarah Discaya at authorized managing officer ng Alpha and Omega Gen. Contractor & Development Corporation.
Pinadadalo rin ang mga kontrobersyal na opisyal ng Bulacan First District Engineering Office na sina Engr. Jaypee D. Mendoza, chief, construction division; Engr. Brice Ericson D. Hernandez, dating assistant district engineer; at Engr. Juanito C. Mendoza, accountant III.
Samantala, apat naman sa Top 15 na flood control contractors ang natukoy na may malinis na record sa Department of Public Works and Highways (DPWH) base sa Contractors Performance Evaluation (CPES) batay sa pagsusuri ng Philippine Center for Investigative Journalism o PCIJ, kung saan kabilang dito ang Centerways Construction and Development Inc., Eight J’s Construction Services, Royal Crown Monarch Construction and Supplies at ang Topnotch Catalyst Builders Inc.
Kabilang naman sa may poor at unsatisfactory CPES ratings ang Legacy Construction Corporation na may 133 projects at ang mga kumpanyang pag-aari pala nina Sarah at Pacifico Discaya na Alpha and Omega General Contractors, St. Timothy Construction Corporation.
