Davao City- Usa ka matang sa pagdisiplina sa mga tao sa syudad aron mosunod sa mga balaod trapiko, mao ang pagpatuman sa Anti-Jaywalking Ordinance ug ang pag-isyu sa citation ticket sa mga makalapas sa mga ordinansa.
Sumala ni Davao City 3rd District Councilor Conrado “Conde” Baluran, Committee on Transportation Chairman, angayan lang nga madisiplina ang mga tao alang sa ilang kaluwasan pinaagi sa pagpatuman sa mga balaod sa trapiko. Matud ni Baluran, tumong usab sa pag-isyu sa citation ticket aron dili malisdan ang mga drivers ug tao sa multa.
Giklaro usab ni Baluran, kung dili makabayad sa multa ang usa ka dinakpan mamahimo lamang siyang mopailalom sa community service sulod sa upat ka oras.
Buot lamang ni Baluran nga manukad sa atoa ang disiplina aron sundon sa ubang mga syudad kung giunsa pagpatuman ang mga ordinansa sa syudad sa Davao.
Kasamang Bernard Pantallon
