Komento ni Teresa Diaz nga isip Mindanaoan 100% siyang uyon sa Independent Mindanao State tungod nagtuo siya nga kaya sa Mindanao nga mulambo kay daghan o bulahan ang isla sa unlimited resources.
Apan mitubag ang usa ka Dar Win nga dili na angay idamay pa ang nasud sa ilang pagpadato ug pagpa-ugat sa pwesto kay ang Pilipinas ra matud pa ang luoy.
Kahinumdoman nga niadtong Enero 30 sa gabii, gibutyag ni Duterte nga gusto nilang maglain og estado ang Mindanao tungod sa nagkaluya nga lideres sa nasud ug anaa na sa risgo ang kaugmaon sa katawhan ilabi na sa kabatan-onan diin iyang gitudlo si kanhi House Speaker Pantallon Alvarez nga maoy mamuno sa Davao groupings.
“Mag-independent na tayo. Ako gusto ko talaga. Gusto ko na. Nagsawa na ako. Iilang presidente na kasi, walang nangyari sa Pilipinas,” butyag ni FPRRD.
Dugang ni Duterte nga abri siya sa kung kinsa man ang mamuno sa Mindanao basta masigurong hinlo lang ang election ug maayo kini mudumala sa Mindanao Republic.
RadyoMaN Ivy Parido
