Giduso ni Davao City Councilor Atty. Diosdado Mahipus Jr. ang sugyot nga ordinansang maghatag og oportunidad ug trabaho ngadto sa mga senior citizens sa syudad.
Sa pamayahag nga gipagula sa Davao City Chamber of Commerce and Industry, Inc., gilayong abri ang ilang buhatan sa pakipag-alayon sa lokal nga panggamhanan sa dakbayan aron sa pagtabang sa mga senior citizens nga makabaton og trabaho.
Komento dabawenyang si Cheryl Balsomo nga usa kini ka maayong lakang kung sa hingpit mapatuman aron nga mapasigarbo pa sa mga senior citizens ang ilang mga abilidad ug kaalam.
Tumong sa maong ordinansa nga makahatag og patas nga oportunidad sa katawhan ug aron usab sa pagtabang sa pagpalambo sa panginabuhi sa mga dabawenyo.
RadyoMaN Ivy Parido
Facebook Comments
